Монета шоқжұлдыз - 2022

«Монета шоқжұлдыз – 2022» XVI конкурсының қорытындысы шығарылды. Әлемнің 17 елінен 21 қатысушы өз монеталарын ұсынды.

Конкурсқа 2021 жылдың 1 қаңтарынан 31 желтоқсанына дейін шығарылған монеталар қатысты. Халықаралық сараптамалық қазылар алқасы мүшелерінің сырттай дауыс беруі конкурсанттар ұсынған монеталардың суреттері мен сипаттамаларының негізінде жеңімпаздарды анықтады.

Айта кету керек, жүлделі орындар Беларусь Республикасы мен Қырғыз Республикасының Ұлттық Банктері үшін Қазақстан теңге сарайының мамандары шығарған монеталарға берілді.

«Үздік айналыстағы монетасы» номинациясы бойынша екінші орын Беларусь Республикасы Ұлттық Банкінің «Жабайы өгіз» монетасына берілді.

«Кәдесый монетасы» номинациясы бойынша екінші орынды Беларусь Республикасы Ұлттық Банкінің «Жолбарыс жылы» монетасы алды.

Қырғыз Республикасы Ұлттық Банкінің «Өмір үшін рахмет!» монетасы «Жыл монетасы» номинациясы бойынша үшінші орынға иеленді.