«МОНЕТА ШОҚЖҰЛДЫЗЫ – 2017» ЕСТЕЛІК МОНЕТАЛАР КОНКУРСЫНЫҢ НӘТИЖЕЛЕРІ

2017 жылғы 22 қыркүйекте Мәскеу қаласында «Монета шоқжұлдызы – 2017» XI халықаралық конкурсының жеңімпаздары мен дипломанттарын марапаттау рәсімі өтті.

Қазақстан Республикасының Ұлттық Банкі ұсынған «Сиқырлы нышандар» сериясындағы қазақстандық «Таға» монетасы «Кәдесый монетасы» номинациясында II орын алды. «Сиқырлы нышандар» монеталар сериясынан «Таға» естелік күміс монеталары Қазақстан Республикасының Ұлттық Банкі, «SKARBIEC KORONNY SA» акционерлік қоғамы және «Қазақстан Республикасы Ұлттық Банкінің Қазақстан теңге сарайы» шаруашылық жүргізу құқығындағы республикалық мемлекеттік кәсіпорны арасындағы монеталарды шығару және сату туралы келісімге сәйкес дайындалды.