«МОНЕТА ШОҚЖҰЛДЫЗЫ – 2013» ЕСТЕЛІК МОНЕТАЛАР КОНКУРСЫНЫҢ НӘТИЖЕЛЕРІ

2013 жылғы 26 қыркүйекте Мәскеу қаласында (Ресей Федерациясы) «Монета шоқжұлдызы – 2013» жетінші халықаралық естелік монеталар конкурсының жеңімпаздары мен дипломанттарын марапаттау рәсімі өтті. «Жыл монетасы» номинациясы бойынша үшінші орынды Қазақстан Республикасының Ұлттық Банкі ұсынған алтын жалатылған «Тамғалы петроглифтері» күміс монетасы иеленді.

Ұйымдастыру комитеті «Республиканың игілігі» монета сериясы үшін Қазақстан Республикасының Ұлттық Банкіне арнайы сыйлық табыс етті. Бұл серияға «Есік көсемі», «Байқоңыр» және екі күміс «Тамғалы петроглифтері» монетасы сияқты төрт монета кіреді.